MAKE HATI
Susah bena nikoh duo ni
Sapo kato kito tok sakik hati
Bilo maso dok bekekoh tok ingat ko laki
Aduh! Sero nok nikoh so lagi
Maso bercinto semuo buleh belako
Doh nikoh tok denga woh laki
Ikuk sedak demo nok kato
Tok laki make hati hari-hari
Tok laki kelek kijo leloh
Tokde pecak baju seluar
Keno belebe – keno ceramoh
Hati mano hok tehe
Make hatilah wei soghe
Bakpo gak demo wei
Tokse nok bebaik sesamo sendiri
Tok laki ikuk bue hok demo nok
Tapi peranga demo lagu ni
Tok laki make hati
Bilo nok nikoh so lagi
Keno tilik - keno tengok
Jange tebe jangok
Demo main sauk
Tubuh sendiri dok ngekok
Anok susun gerabok
Hok kecik dok dale perok
Kalu dok kekoh sokmo
Anok jadi lagu mano?.
Ingat ko Tuhe la wei
Jodoh temue hok DIO belako
Buke kito mintok nikoh soghe lagi
Kito terimo hok DIO bue
Bilo tok laki make hati
Buleh doso sampa ko mati
Syurgo itu redho tok laki
Tokke hok tu pun demo tok kaji
Keno hormak ko tok laki
Baru selamak atah dunio
Rumoh tanggo beroleh rahmak
Bahgio kito sampai akhirak
Jange sampa tok laki
Make hati …
Tuke karut;
Tokbatin Sham
20/12/12; 0000 Hrs
Seksyen 26, Shah Alam
Nota : nok molek lagi keno nyanyi dikir barak baru sedak awe wei ...
No comments:
Post a Comment